gevaaalik.com Die gevaaalikste website op die interweb dansbaan

12Aug/140

Foo Fighters nuwe album – Sonic Highways

Posted by Ruan Stix Fourie

Foo Fighters release 10 November 2014 hulle 8ste studio album, Sonic Highways. Die band het vandag via hulle Facebook page ook die album cover bekend gestel, dit is nou die foto hier onder. Soos jy kan sien is daar 'n hele paar 8s in die album cover en glo dit of nie, die album het ook net 8 songs op.

Foo Fighters new album Sonic Highways cover

Dit is 8 songs vir 'n 44 minute album en Butch Vig is weer die co-producer op die album saam met die Foos. Ek is bly hulle het vir Butch Vig weer betrokke gekry aangesien Wasting Light so goeie album was. Elke song op Sonic Highways is in 'n anders stad gerecord.

"This album is instantly recognizable as a Foo Fighters record, but there's something deeper and more musical to it, I think that these cities and these people influenced us to stretch out and explore new territory, without losing our ‘sound'." is wat Dave Grohl oor die nuwe album te sê gehad het. Ten spyte daarvan dat die nuwe Foo Fighters album 'n naam deel met Grohl se komende documentary, het hy gesê dat die nuwe album nie 'n soundtrack is vir die HBO series nie.

Saam met die aankondiging van die album het die Foo Fighters 'n video release van Grohl wat 'n tattoo kry, met 'n song in die agtergrond wat moontlik van die nuwe album af is. Ek moet erken dat ek effens bekommerd is oor Sonic Highways want dit voel vir my effens soos 'n bemarkings foefie vir die HBO series. Nie te min het ek reeds die nuwe album gekoop via pre-order, en jy kan dieselfde doen op die Foo Fighters website.

Hoe voel jy oor die Sonic Highways aankondiging? Gaan jy die nuwe album woord vir woord ken as jy Foo Fighters in Suid-Afrika sien vroeg Desember? Los jou opinie in die comments.

24Feb/140

Teenage Time Killer – Dave Grohl se nuutste supergroup

Posted by Ruan Stix Fourie

Dave Ghrol Corey Taylor Supergroup

Hoe klink 'n band met Dave Grohl (Foo Fighters, duh), Corey Taylor (Slipknot), Max Cavalera (Soulfly), Nick Oliveri (Kyuss, Queens of the Stone Age)? Klink pretty fucking cool vir my. Blykbaar gaan dit nou gebeur en Teenage Time Killer (Ek is seker baie teenagers gaan time kill op die musiek) is die naam van die nuutste supergroup projek waarby Dave Grohl betrokke is nie. Seker een van die voordele van 'n ongoddelike cool studio in jou basement hê.

Ander lede wat gaan deel wees van Teenage Time Killer is Neil Fallon (Clutch), Keith Morris (Black Flag), Reed Mullin (Corrosion Of Conformity) en Jello Biafra (Dead Kennedys). Reed Mullin het die musiek beskryf as "hardcore punk, punk and metal”. Dit los dit op die stadium redelik oop dan vir hoe die musiek gaan klink. Een ding is verseker; dit gaan hard wees.

Ek is nuuskurig om te hoor hoe gaan dit klink. Any guesses?

22Jan/140

Josh Homme, Trent Reznor, Dave Grohl en Lindsey Buckingham vat saam die stage by 2014 Grammy Awards

Posted by Ruan Stix Fourie

Trent Reznor (Nine Inch Nails, How to Destroy Angels), Josh Homme (Queens of the Stone Age, Kyuss), Dave Grohl (Foo Fighters, Norvana) en spesiale gas Lindsey Buckingham (Fleetwood Mac) gaan die closing performance doen by die 56th Grammy Awards. Grammy executive producer Ken Ehrlich het die volgende te sê gehad oor die optrede:

There's nothing better than when the Grammys can rock out, and to have these artists all together on one stage, doing a number that, when they presented it to us, knocked us out, is going to turn out to be one of those Grammy moments that people talk about for a long time. Long live Trent, Josh, Dave and Lindsey and these great bands!

Nine Inch Nails, QOTSA, Dave Grohl and Lindsey Buckingham

So ver ek verstaan gaan Queens of the Stone Age, Nine Inch Nails, Dave Grohl en Lindsey Buckingham saam die stage vat vir die closing performance. Dit sal die eerste keer wees wat Queens of the Stone Age en Nine Inch Nails optree by die Grammy Awards. Dave Grohl wat al 13 Grammy Awards gewen het oor die jare is natuurlik geen vreemdeling aan die awards show nie. Grohl is ook die wat die spul bands saam trek want hy het al gewerk saam met Nine Inch Nails op die With Teeth album en was ook agter die dromme vir Queens of the Stone Age se Songs for the Deaf. Lindsey Buckingham het ook gehelp op die Nine Inch Nails album Hesitation Marks en natuurlik is die Fleetwood Mac self titled album ge-record by Sound City, die studio waaroor Grohl onlangs 'n documentary gemaak het.

Dave Grohl word die jaar vir 2 Grammy Awards genomineer: Best Rock Song vir "Cut Me Some Slack" en Best Compilation Soundtrack for Visual Media vir Sound City se Soundtrack. Queens of the Stone Age is ook genomineer vir 2 awards: Best Rock album vir ...Like Clockwork (kry defnitief my vote) en Best Rock Performance vir "My God is the Sun". Nine Inch Nails wat al twee Grammys gewen het word ook genominate vir die album Hesitation Marks as Best Alternative Music Album.

Ek is nie 'n groot fan van award shows nie, maar sal die een graag wil sien net vir die optrede aan die einde deur die great groep musikante. Hou maar gevaaalik.com dop vir die video van die optrede sodra hy beskikbaar is. Hier onder is die video van Grohl, Homme en Reznor wat saam 'n song gedoen het vir die soundtrack van die documentary Sound City.

29Aug/131

Dave Grohl praat oor sy eerste Reading Festival

Posted by Ruan Stix Fourie

Dave Grohl is een van die grootste rock stars wat daar nog was op die planeet. Hy was die drummer van een van die grootste bands ooit, Nirvana. Hy doen vocals en guitars vir Foo Fighters. En daar was al baie ander goed waarmee hy involved was: Queens of the Stone Age, Them Crooked Vultures, Probot, Prodigy en nog vele meer.

Dave Grohl

Tog is Dave Grohl een van die most down to earth ouens wat jy ooit sal ontmoet. Hy is 'n huge rock idol, maar is nooit 'n poes daaroor nie. Dit is seker wat gebeur as jy 'n goeie lewe maak van dit wat jy regtig wil doen en jy 'n nice mens is. Hier praat hy oor sy eerste Reading Festival en dan kry hy ook die crowd om gou vir sy ma geluk te wens met haar verjaarsdag.

27Jun/130

Foo Fighters en John Fogerty – Fortunate Son Cover

Posted by Ruan Stix Fourie

160465674KW00027_Concert_Fo

Vir John Fogerty (Credence Clearwater Revival) se komende album, Wrote a Song for Everyone, het hy die Foo Fighters gejoin in hulle Los Angeles studio. Daar het hulle besluit om die 1969 anti-war anthem "Fortunate Son" te cover maar dit bietjie meer van 'n hard rock edge te gee met harde guitar riffs. Dave Grohl vat ook so bietjie van die vocal responsibilities in die cover. Luister die song hier onder en laat weet my wat jy dink in die comments.

Page 1 of 3123
Follow

Get every new post delivered to your Inbox

Join other followers