R.I.P Mr Trololo, Eduard Khil

‘n Paar jaar gelede het ‘n Russiese sanger wêreldwyd bekend geword nadat ‘n 1976-opname van sy een liedjie ‘n massiewe viral hit op die internet geword het. Eduard Khil se liedjie “Ek is bly, want ek gaan uiteindelik huis toe” (“Я очень рад, ведь я, наконец, возвращаюсь домой”) het ‘n meme soos geen ander geword nie.

Verlede maand het Khil (77) ‘n beroerte gehad, en hy is vroeër vandag oorlede in ‘n hospitaal in Sint Petersburg, Rusland. As ‘n huldeblyk aan Khil post gevaaalik.com vandag die oorspronklike viral video, een van die hordes parodieë wat daarvan gemaak is, en ook ‘n optrede van Khil in 2012 waar hy die Trololo Song weer foutloos en beter as ooit gesing het. Rus en trol in vrede, meneer Eduard Khil.

Vir nog video’s deur Eduard Khil, besoek sy amptelike YouTube channel.