Ou Nuus: Katy Perry is single

Almal weet dit nou al: Katy Perry en die Russel Brand ou met wie sy getroud was, het geskei. Ek is baie bly, want dit beteken Katy is weer in die mark en ek staan heel voor in die ry. As Brand haar kon kry, sal ek vir seker ook kan. Om te celebrate dat sy single is, het ek ‘n paar foto’s van Katy bymekaar gemaak. Meestal vir my eie plesier, maar ek deel dit met julle ook.

Sy is nommer een op my lys van mense wat ek “mag as ek ooit die kans kry”. Daar is vier ander dames ook op die lys van individue waarmee Ms. Stix okay sou wees as ek in een van hulle  inval” (as ek ooit die kans kry). As julle my nou sal verskoon, ek moet plan maak om geld te kry vir ‘n vliegtuigkaartjie LA toe.